年輕情侶如何3年儲100萬/ 可以上車?

兩人年收入

$17000 x 13 x 2 = $442000

兩人年支出

食$50 x 2 x 365 x 2 = $73000

住 $0

行 $ 10 x 2 x 365 x 2 = $ 14600

衣 $200 x 12 x 2 = $ 4800

電話 $ 300 x 12 x 2 = $ 7200

其他 $ 1000 x 12 x 2 = $24000

家用 $2000 x 12 x 2 = $48000

總支出: $171600

未做PART TIME前年儲蓄: $270400

如做PART time

補習 $100 / hr

100 x 8 x 4 x 2 x 12 = $ 76800

支出又會多左, 最後額外收入: $70000

一年下來 $442000 – 171600 +70000 = $340400

兩年下來 $680800

3年下來 $1021200

$100 萬了~~~

講很容易, 做落你就知味……

儲錢, 100萬,

點解我買極股票/牛熊都輸? 淺談投資(上)

大家都去過賭場, 如要賭錢,想嬴錢, 你第一步會做的是什麼? 立即去最近的賭台? 聽朋友介紹玩21點? 都不是, 正常係睇睇”全場”有咩岩你玩, 你叻邊樣才玩邊樣.

但,你對待投資都一樣嗎? 玩D咩? 可以買咩有得揀? Um….好似……..無諗過..
普遍人都唔會諗太多………….

大家好. 我係小火子, 今日想講講投資 ,大家都知道投資嘅意思就係錢生錢,錢搵錢嘅過程, 但係 喺香港呢個市場度 , 你跟每一個人講投資 好多人都會答你, 買股票,買樓,買波,賣馬, 從來都冇人問一句說話.

 

係咪淨係得咁少選擇?

我仲有冇得揀呀, 除咗以上嘅投資產品之外 有冇一啲 外國好興, 但係香港唔興嘅投資產品 , 所以今日想同大家分享下多D投資物(台灣叫投資的標), 同試下同大家一齊拆解當中一些”陰謀論”

第一: 係咪得咁少選擇 ? 點解?

經過多年嘅 找尋研究 分析, 外國尤其是美國市場 嘅投資產品類別係最多 ,其中有樓, 股票, 金, 外匯, REIT, ETF(槓桿ETF, 反向,超多種類, 搵集講),債券(槓桿), 牛熊證 ,細價股, 保險

在另類投資會有 古董, 名畫, 貨幣 ,名錶 ,酒, 波鞋, Bitcoin等等

當中,以我個人來講, 尤以ETF, 債, REIT, BITCOIN 最值得留意.

點解香港咁少講ETF, 債, REIT, BITCOIN,咁少人知呢? 

 

常識推論, 原因有2個:
一係呢D投資產品在香港冇市場,或唔work, 一係有另一些更恐怖的原因……

二係利益關係, 我哋應該從多方面 以邏輯思維 去諗下 我哋 點解得咁少投資產品 以陰謀論角度 或者以商業利益角度 去諗你就會大概找到一啲端偽.

除咗股票同樓之外 ,點解會咁少人講, 點解我哋會唔知, 點解我哋主流傳會唔會報到 尤其是 政府 銀行 電視台 學校教育 金管局 全部都冇講過.

給十秒鐘大家, 詳細思考呢個問題 ,開始時候你可能會覺得, 好難冇諗過原因 ,但其實你只要從利益角度去諗嘅話, 你就知道點解我哋係會咁少選擇.

以股票為例 香港市場每日交易頻繁,一出一入,交易金額達到 每日1000億,當中養活多個行業,從中抽佣, 政府也可以收大量稅.

樓亦都一樣,大量從業員和稅收,呢個可能係政府其中一種 “資訊操縱”

債係好值得研究, 畀一個例子大家, 究竟我哋嘅保險公司係如何盈利?究竟保險公司收集咗我哋啲保費之後如何令到啲錢 繼續生錢, 扣除賠款比投保人之外有盈利呢? 大家睇下下面個圖表, 原來絕大部分嘅盈利 都係攞咗你哋嘅投保金, 去買債券, 你睇下呢件事 ,幾咁唔合邏輯比較唔合常理, 如果我哋小市民 能夠攞錢 去買債券 咁我哋就唔使畀人食中間嗰用金啦.

又有人會問 債券咁好 點解我哋唔 多人講呢? 第一冇話好, 只係 每種投資產品, 都有優劣嘅地方, 都有佢自己嘅特性 ,只係我哋冇細心去研究(只係有D投資物特別差, 特別扼人) , 講返正題 如果大家識得自己走去買債券 ,又何來有人去買股票? 又有何來人去買保險? 買親債券都唔會時常出出入入變相, 令到銀行收入下降, 保險業收入下降,得益嘅唔係佢哋 ,亦都會分薄佢其他業務嘅收入 ,咁點解佢哋要講 , 人哋都做生意.

反而特別差個D投資物如窩輪牛熊證就日日聽到, 咁大約都估到咩事……

所以今日呢一集唔係要教你咩入貨上貨,止蝕止賺, 而係要知道哂大部分的投資物, 再搵出適合自己的答案, 到時TOUCHWOOD 蝕左錢都心甘命抵, 唔駛講 “ 下, 原來仲有D咁既野買? 唔早講!

講完有咩揀, 下集我會講下點樣揀! 下次見!

利好: 總結利好因素有八個次序是: 1失業率低, 2MC門檻高, 3每年五萬人結婚, 4低息環境, 5每日150 人 新移民, 6 七成私樓供滿 7 新樓供應少, 8各國印銀紙 利淡: 總結利淡因素有4個次序是: 1 市民人工無法支持高昂嘅樓價 2 全球不穩定性包括 突發事件 例如戰爭,豬瘟 可能會發生 3 香港 二按數字成迷 容易引發資金鏈斷裂 4 全球GDP增長 放緩 經濟有向行下壓力

樓市再升,你頂得順嗎?(總結) #小火子 #樓市 #樓價

總結

利好:
總結利好因素有八個,次序是:

  1. 失業率低
  2. MC門檻高
  3. 每年五萬人結婚
  4.  低息環境
  5. 每日150 人 新移民
  6. 七成私樓供滿
  7. 新樓供應少
  8. 各國印銀紙

:
總結利淡因素有4個,次序是:

  1.  市民人工無法支持高昂嘅樓價.
  2. 全球不穩定性包括 突發事件, 例如戰爭,豬瘟 可能會發生.
  3. 香港 二按數字成迷 容易引發資金鏈斷裂
  4. 全球GDP增長 放緩 經濟有向行下壓力 

 

補充

有小小想補充 ,頭先講過咁多點 ,每件原因都有唔同嘅影響力, 好多不確定性 .

但我哋應該注意嘅就係 有邊啲  原因係 冇不確定性 ,即係一定會發生嘅事或者好大機會發生嘅事 ,例如每日150,高結婚人數, MC收得好緊, 七成人供滿樓 ,房屋供應少呢幾點 係好大好大機會(一定)發生嘅時候, 你亦要知道每一個原因都有唔同嘅機會嘅發生機率同埋佢嘅影響力.

我哋分析每件事嘅時候 除咗睇下觀嘅事實數據之外 ,亦都十分之重視 個人 嘅常識推論 ,多代入角色將自己代入業主,又或者將自己代入買家嘅情況, 最後再作出每一個點嘅考量 你就比較容易得出嚟嘅結論.

 所以我個人認為樓市最終係偏向升市

以上嘅分析純屬個人嘅分享, 如果有啲咩想留言討論可以喺下面留.

 

天下之大, 人之渺小, 只有追求”道”, 順應自然, 才是永恆.

樓市再升,你頂得順嗎?(下) 利淡樓市原因 #小火子 #樓市 #樓價 #上車 #買樓

利淡樓市利淡因素

1 樓價遠遠脫離市民負擔能力,無力支持樓價

 無可否認而家嘅樓價遠遠脫離市民嘅負擔能力, 縱使每個人嘅 平均 月薪係去到一萬七千 去到今時今天呢種嘅消費力,  已經達到極限 ,對普羅市民大眾來講, 已經變得 十分困難 更遑論要推升樓價, 但點解仲會有升呢個情況出現? 好可能係市場上有好有錢嘅人可能係內地人, 又或者加按物業嘅錢再去買, 而導致有能力有資產嘅人可以繼續推升 但去到最後呢班都係一小班嘅人, 真正能推升大市嘅一定係大眾.

2 豬瘟曼延或突發事件

近來豬瘟蔓延迅速, 亦令我哋 聯想到過去沙士 和科網股爆破嘅 情況, 呢啲情況係我哋遠遠難於估計嘅後果,因未出現過, 未有對策, 才形成恐慌, 人踏人便有機會出現. 所以 未來發展嘅方向係點仍然未明朗, 但係 呢一個係一個好強嘅 原因會 推冧大市 , 不過呢個係 無可能預估嘅情況.

3 二按爆發

好多人會話而家按揭緊,樓市穩陣, 但我哋唔好忽略一點, 就係 我哋未知道全港物業嘅 二按嘅情況, 二按 亦都會驅使 樓市趨向“隱形泡沫”, 當中有兩種二按,一種由發展商推行, 呢種情況最常出現喺新樓, 好多準業主都未有能力 .未有太多首期, 所以發展商會提供除咗銀行以外 一按, 亦會提供二按畀佢哋, 息口相對高, 呢啲借貸存既風險大部分都係有由發展商承擔, 供款人 即使 斷供, 物業最後都會落入番 發展商 同銀行,發展商最多原價或者平價出售 因為發展商個實力較為雄厚 , 更可能有抵押品, 風險較細, 另一種較為危險嘅就係同財務公司(俗稱財仔)去借二按或者加按, 呢種借貸點解會咁危險嘅一個原因就係 你啲財仔嘅資金來源都係由金融體系銀行度攞出嚟, 如果二按借款人唔能夠還款.斷供, 資金鏈斷裂 財仔便有機會倒閉從而 向銀行 拖欠債務 , 而最危險嘅係政府係冇呢面數據, 所以我哋暫時都唔知道究竟全香港有幾多物業嘅業主係做咗二按, (好似近來新聞有報的16按物業!) 經濟差爆發起來可想而知.


財務公司不受金管局規管,但作為監管機構,金管局必須確保金融體系平穩,新措施底下,兩大族群最受影響。第一是急需資金周轉的業主,他們仍會向「財仔」借二按,但預料息口將由現時18%,升至20%或以上,以平衡財務情況較差的借款人的拖欠風險。

來源:

http://paper.wenweipo.com/2016/10/28/FI1610280007.htm

4. 預計全球經濟轉差

最重要點係經濟 , 而呢個原因係最最最最難去預計, 如果我哋能夠預計到呢件事嘅話, 其實都唔需要返工(^^”), 日日睇股票便可以日, 不過有少少未來預測可以睇睇, 就係好多個國家 對佢哋個國家嘅未來 2019 GDP增長率持審慎甚至負面嘅 態度, 呢點不得不提 , 尤其是近來嘅貿易戰全球最大嘅領兩個經濟體 嘅爭端究竟會唔會演變成一場 連鎖反應世紀風暴, 呢一層 ,無從估計 .

今集講住咁多先, 下集總結!

樓市再升,你頂得順嗎?(中)利好樓市原因(二) #樓市 #樓價 #上車 #買樓

5. 每日150新來港人士

唔使講, 香港而家嘅人口係 739.2 萬 (2017 年), 每日150個新移民,所製造既需求大約係每年 150 X 300 = 45000左右, 就算唔係買或租私樓, 佢都要住公營房屋 , 咁你會諗公營房屋 關私樓咩事呢? 如果公營房屋嘅 居住單位越少嘅話, 咁輪侯人士所需時間上升, 變相知道自己短期係冇機會上到公屋居屋,最後都會回流返私人市場租買樓, 至少租劏房之類嘅, 支持樓市.

6. 七成私人物業已供滿

原來以全香港所有私樓計大約有七成嘅私樓係已供滿, 這意味住D咩? 各位讀者 聽眾 試想想, 如果你自己嘅房屋已經係 已供滿 冇按揭嘅時候, 你又會受著咩原因 係會比市價平放出你嘅單位呢? 你唯一原因 淨係會諗 點樣賺多啲, 要逼冇按揭業主平賣似乎很難, 只有一個原因就係供唔起樓會平畀 買家嘅就係 業主 失業或者係資金緊拙要將物業賣出, 呢個時候業主先會越低市價 放售單位 , 咁即係話能夠推低大市嘅 業主係仍然要供款業主, 而呢班業主佔全部業主三成, 有人會話其實三成出事都好大鑊喎, 不如我哋再將啲三成人再拆散, 當中原來仲有 兩成嘅業主係已經供咗大部分, 即係話佢哋做按揭嘅年期已經做咗比較耐, 已經供咗比較多, 由於以前嘅樓價比較低嘅時候所以佢每月供款亦都好少, 可能幾千蚊一個月, 放租都COM到,所以你要呢班人 係因為供唔起樓會平畀買家, 其實都唔係幾合理, 最後嗰一成人就係新買家新入市嘅業主, 我頭先都講過 而家能夠進入市場嘅 業主, 實力 已經有所提升, 原因係因為mc嘅制度之下令到供款人喺高成數按揭之後嘅人工一定要達到某個資產人工,佢先可以進入呢個市場, 如果金融海嘯黎嘅時候, 呢班人亦都係喺社會上比較強, 搵錢能力高D的一班人,佢哋嘅抗逆能力應該會比一般人高 .

7. 房屋供應

 有資料顯示 呢幾年嘅私樓落成量 每年 大約係一萬八千左右, 如果大家識少少加減數睇番上面結婚人數同埋每日150人 就知道, 房屋供應遠遠 不能夠 超過或者係抵銷 人數嘅上升 , 呢點無庸置疑 你見到呢幾年政府 做好多 是 甚至乎係5000億填海 你就知道政府係幾咁無能為力.

8. 印錢紙

最大嘅因素係2008年到今天 樓市升咗一倍甚至有兩倍嘅最主要原因就係 各國印錢 而呢個點大家都好熟悉, 但係真實數據又係幾多呢? 而家仲有冇上升緊呢? 印錢又點會令到我哋嘅樓價或者資產價格上升呢?道理非常之簡單, 實體資產嘅數量 係永遠有個限度好似土地黃金 熱錢 ,如果所有錢嘅數目 係等於資產嘅價值, 當錢增加嘅時候資產冇增加, 其實變相分薄每張錢嘅價值, 例子 如果你有100蚊政府有100蚊全個世界得一棟樓, 咁即係話 你同政府 會各佔呢棟樓 一半業權, 但當政府印多一百蚊出嚟嘅時候 政府就會有150蚊你只會得 得50蚊, 業權價值不變, 而家你只佔成個世界嘅 四分之一 錢, 但係你仲要依然係呢度覺得沒有問題 我個50蚊仲喺度, 但其實已經畀人偷咗錢你唔知道 , 而呢個concept 好多香港人都唔知, 就算知都唔會理 ,所以買資產就有佢嘅 稀有性呢個原因.

今集講住咁多先.!

樓市再升,你頂得順嗎?(上) 利好樓市原因(一) #樓市 #樓價

樓市再升,你頂得順嗎?(上) 利好樓市原因(一) #樓市 #樓價 #上車 #買樓

2019年1月29日.

大家好我係小伙子, 生活喺香港唔多唔少都會留意樓市, 因為喺住嘅問題已經為我地帶來唔少煩惱.

當中要估計樓市嘅升跌係我哋每一個小市民常常都會討論嘅話題, 而我地 通常都會流於表面, 情感同埋冇數據嘅支持, 喺分析樓市升跌之前, 我聽過好多唔同頻道嘅資訊 亦都歸納左一啲重要嘅原因,最後我覺得用數據科學嘅方法去搵出或者係估計樓市升同跌, 雖然未必估中但對大家去學習邏輯思維理性分析會比較有幫助.

我們由正反兩面去分析 今日我哋先會從正嘅方面去講講

紅色代表 2019年 5月16日日寫

利好原因

以下落嚟會有幾點我會先由冇咁重要對影響性比較大嘅 原因逐一分析

1 失業率(歷史新低)

香港嘅失業率而家大約係 3% 左右, 呢一樣嘢 再加埋全港平均月薪平均月薪係萬七蚊, 正正就呢樣嘢令到每一個家庭( 兩個人做嘢 )嘅總收入 最少都去到三萬四 , 而係全民就業嘅情況之下 家庭嘅收入咁高, 能夠做到供款同儲蓄嘅機會亦都比較大, 所以失業率低無疑係一個 支持到樓市嘅原因, 不過失業率擺喺第一個最冇緊既原因係因為經濟唔好嘅時候失業率 好大機會隨著經濟向下而上升. 看下圖. 1998 – 2003年.

本港失業率連續第12期維持2.8% 羅致光:勞工市場短期內維持穩定

 

羅致光指,按年比較,多個主要服務行業的失業情況續見改善。受惠於訪港旅遊業顯著擴張,零售業和住宿及膳食服務業的失業率錄得明顯跌幅。他又指,勞工市場短期內料會維持大致穩定,政府會留意外圍多變的不明朗因素往後會如何影響勞工市場。

 

2 按揭MC 收得十分緊

如果大家有試過去買樓去做按揭嘅話, 如果借嘅成數超過六成係要經過mc去做審批, mc一個政府組織 , 點解會話mc收緊對樓市係有支持嘅原因係因為 , 呢樣嘢正正就係一個買樓嘅最基本門檻兒, 能夠過到mc以買到樓嘅人士 佢哋都有一定嘅實力譬如話買400萬樓 , 做九成按揭 共借360萬 每月供款每月供款萬三四蚊左右, 申請人入息呢最起碼都要有三萬幾四萬蚊你先穩陣過到壓力測試, 所以你話買最平嘅樓其實都係要有三四萬.四五萬嘅人工, 呢樣嘢正正係令到入市嘅人士 係比一般嘅市民嘅能力更加高 一陣間會詳細講解點解 呢班人亦都會幫助到樓市.

 

依舊十分緊, 之前講過600萬樓是上車最後機會, 變相提升左入場門檻, 要比較高收入(買400萬樓, 人工起碼4萬)和儲蓄才可上車, 確保上車人的實力, 不易放出/平讓.

 

3 每年有5萬結婚數(10萬人)

系統外統計學上 而家每年嘅結婚數係5萬宗, 如果 10萬人裏面, 結完婚大多數都想出嚟住但係未必個個會有能力或者未必有機會, 如果有 保守計五千人 (5%)或一萬人出嚟住嘅話, 佢都需要租或買 而呢個正正係其中一個好強大嘅力量 佢支持樓市.

未有數據, 應該差不多, 不過人口方面:

根據政府統計處今日(二月十九日)發表的數字顯示,二零一八年年底的香港人口的臨時數字為7 482 500人。與二零一七年年底人口7 413 100人比較,增加69 400人,增長率為0.9%(表一)。

4 低息

今日嘅供款 利率係 h加1.6 = 2.275% 雖然係冇之前咁平但係亦都係呢個低息期, 低息環境會形成兩個發展方向, 第一個好容易聯想到嘅就係, 供款人嘅供款比較少, 這會吸引到一啲人去 買樓供款 因為早啲供息平D, 從而吸引啲人去 置業 .

第二, 喺投資者角度 存款擺喺銀行係冇息收, 哋都想幫資金搵出路, 如果大家有做過一啲投資嘅研究都知而家投資市場可以投資嘅地方都唔多, 所以最後會擺番喺樓市度.

人會反駁利息將會持續上升, 收到主流傳媒嘅影響好多時我哋都唔知道加息定減息嘅方向, 通常全部亦都會出會鼓吹大家去覺得息口上升, 大家講息口喺嚟緊會升幾年. 不過, 有留下開既話, 原本估計嘅2019年兩三四次變咗一次, 若果美國經濟再轉差嘅時候, 美國政府/聯儲局可能會在 宣佈返減息 , 唔加息再減息 到時 樓市就會有更加大嘅支持, 以下我會擺低可以睇到聯儲局將會加息嘅機會率嘅網站請大家 參考.

 

2019 May 

預計2019年12月減息 一次到兩次 1/4 厘

今日講住咁多先, 下集再講.

80後小火子 自我介紹/ 80-90後的難處!

大家好呀 !我叫小伙子 。 一個普通嘅八十後 , 受好多YOUTUBER影響開左呢個CHANNEL 同網頁 。

今日係youtube channel嘅第1集 , 呢個youtube channel嘅目的其實只係出於個人興趣,無固定內容, 純個人分享 , 分享個人經歷,個人興趣 , 學習成果等等 ,歡迎各位討論

因為之前係工作上發生過好多好多事 , 好多高高低低 , 畢業後做過好多種工作 , 亦都試過失業 , 創業, 再失敗 , 最後發現到自己真正嘅既想法 和 心態 , 找到比較適合自己的路.

所以都想喺度分享下,希望大家可以 如果真係覺得有用既話,可以走少好多冤枉路,亦希望喺呢度識到多啲志同道合, 作為一個橋樑, 拋磚引玉, 分享各位自身經驗, 或是俾宜家一群好迷失或者係暫時未有任何方向嘅人少少建議, 因為香港生活真係唔易 。

最後願各位工作生活上, 都仲有團, 知道仲有一班有共嗚的人齊齊學習 , 因為人生就是一場成長的經歷 , 共勉之。

 

 

 

今日係我哋呢個channel嘅第1集 , 我今日想分享80-90後喺呢個社會上生存難處, 同埋上位難嘅現實.

  1. 工資和通脹脫勾

第一個原因我覺得係工資和通脹脫勾, 如果大家翻查經濟嘅數據呢幾年香港嘅經濟數據都會睇到香港嘅通脹常係持續上升, 而升嘅幅度介乎於每年四至五個percent, 原因簡單講是各國印錢,打工仔在不知情下, 被”偷”錢. (有機會再講)相反我地畢業生工資無論係大專生或大學生其實都係維持不變或者增福甚微, 呢一個情況會令到我哋嘅八九十後打工仔難以生存. 不如咁講, 10年前巨無霸餐大約$22 左右(雖然仲有特價餐T_T) 今天已經要用$37, 但人工無變. 儲蓄更少是令到80-90後難發展的一個主因, 要用所剩無幾的人工去用作投資, 所需的要滾存到”大舊錢”時間會更長, 沒有第一筆資金, 永遠也參與不到”累積財富”的遊戲, 如買樓, 債券( 不是股票!!!!!!!!!!! x 100000000000). 若QE持續 (預視美國很快不加息)情況只會繼續惡化, “番工只會愈番愈窮”, 90-00 後情況只會更差!

  • 沒有理財既慨念

第二其實我哋由細到大都冇人教我哋去點樣理財 ,至少在正規教育沒有!(可能不想我們去知道, 搞亂PARTY!) 只教育我們要找份好工, 做一個服從的人(這顯然易見是一個由政府和商家諗出來的世紀騙案!). 懂理財的重要性顯然跟個人知識同樣重要, 尤其是每月每日的支出收入控制等等.

就算難得有八九十後去 醒覺到要有投資嘅概念有工作以外嘅投資概念,都可能淨係識得睇股票同埋睇樓, 因為呢啲嘢好容易就會喺個電視機或者主流媒體到睇到. 相反好少會講 股票以外的投資物. 玩得股票, 身邊所有人都係輸, 但係我喺呢幾年間都睇多好多股票以外嘅嘢包括:債券, ETF, REIT. 好多嘢其實都可以留意,值得買和學習! (香港是金融中心, 人們竟然只識股票,哈哈哈) .

  • 環境誘惑

以前60-70後跟現代最大分別就係我們的環境多咗好多娛樂, 令我哋容易消費, 包括係智能手機, 你會見到好多廣告,網購,淘寶等都會令到我哋額外消費的機會, 另外好多娛樂都係唾手可得, 打機課金, facebook上見到好多朋友仔分享美食, 旅行嘅照片, 呢一切一切都令到我哋要背呢好難去抗拒或者潛意識好難控制自己唔做呢啲事, 因好多人不會詳細分析和思考背後原因, 人係偏向於同輩做啲乜嘢你就會做, 朋輩壓力, 好像身不由己, 對於人是群體動物,是很難的.

今日都差唔多啦, 總結先, 導致香港80後90後難生活難上位的三個原因是1. 工資和通脹脫勾 2. 沒有理財概念 3. 環境誘

如果想一齊去討論或者係分享嘅朋友仔, 可以喺下面留言!!!

Share on facebook
Share on whatsapp
Share on google